Yuxarı

Ankarada dövlət çevrilişi cəhdində iştirak edən 1 200 hərbçi sərbəst buraxılıb

Prokuror: Bəzi hərbçilər nəyə alət olduqlarını bilməyə bilərlər

Bakı. 23 iyul. REPORT.AZ/ Türkiyənin paxtaxtı Ankarada dövlət çevrilişi cəhdində iştirak edən 1 200 hərbçi sərbəst buraxılıb. 

"Report" Türkiyə KİV-inə istinadən xəbər verir ki, bu barədə Ankarada dövlət çevrilişi cəhdinin istintaqını aparan prokurorluq qərar qəbul edib. 

Ankara prokuroru Harun Kodalak jurnalistlərə bildirib ki, bəzi hərbçilər nəyə alət olduqlarını bilməyə bilərlər: "Xalqa atəş açmayan, onların üzərinə hərbi maşın sürməyən, nə olduğunu bilməyən hərbçiləri qısa müddətdə ayırd edəcəyik. Həmin xainlərin "Ergenekon", "Balyoz" kimi cinayət işlərində etdikləri kimi, günahsız hərbçilərin cəza almasına imkan verməyəcəyik. Bizim araşdırmamız onlarınkına bənzəməyəcək. Biz ədalətli davranacağıq. Biz dövlətin prokurorlarıyıq, onlar isə təşkilatın hakim, prokurorları idilər".

Qeyd edək ki, Türkiyədə iyulun 15-də baş vermiş uğursuz dövlət çevrilişi cəhdinin qarşısının alınması zamanı 246 nəfər həlak olub, 2 185 nəfər yaralanıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi