Ankarada baş vermiş partlayış terror aktı adlandırılıb

Bakı. 2 fevral. REPORT.AZ/ Türkiyənin paytaxtı Ankara şəhərinin hakimiyyət orqanları vergi müfəttişliyinin binasında baş vermiş partlayışı terror aktı adlandırıblar.

"Report" xəbər verir ki, bu barədə "NTV" telekanalı hakimiyyət orqanlarının bəyanatına istinadən məlumat yayıb.

Qeyd edilir ki, partlayışı PYD ilə əlaqədə olan terrorçu törədib.

Telekanalın məlumatına görə, terrorçu Suriya ərazisində partlayıcı qurğuların yaradılması ilə bağlı təlim keçib. Türkiyənin təhlükəsizlik orqanlarının əməkdaşları bombanı binaya keçirmiş şəxsi zərərsizləşdirib. 

Hadisə ilə bağlı daha 8 nəfər saxlanılıb.