Yuxarı

​Ankarada "78 milyon - hamımız Türkiyəyik!" şüarı ilə mitinq keçiriləcək

Aksiya təşkilatçıları: Terrora yox, qardaşlığa hə deyirik

Bakı. 14 sentyabr. REPORT.AZ/ "Birlikdə olmaq günüdür. Bizi bir-birimizə düşmən etmək istəyənlərə qarşı hamımız birlikdə müqavimət göstərməliyik. 78 milyon - hamımız Türkiyəyik! Fitnə-fəsad atəşini birlikdə söndürməliyik".

"Report" Türkiyə KİV-ə istinadən xəbər verir ki, bu, Türkiyədəki qeyri-hökumət və həmkarlar təşkilatlarının sentyabrın 17-də keçirilməsi nəzərdə tutulan mitinqə çağırışında vuruğulanıb.

"Terrora "yox", qardaşlığa "hə" deyirik. Emosional çağırışları bir kənara qoymaq lazımdır. Bu zamanda soyuqanlı olaq. Çünki başqa Türkiyə yoxdur. Mitinqdə bu mesajı verəcəyik.

Aksiyada sadəcə ay-ulduzlu bayrağımızı qaldıracağıq. Qardaşlıq bağlarımızı zəiflətmək istəyənlər bilməlidir, bu torpaqların mayası çox güclüdür", - deyə müraciətdə vurğulanıb.

Qeyd edək ki, mitinq sentyabrın 17-də yerli vaxtla saat 16.30-da Ankarada Sıhiyyə Meydanında keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi