Yuxarı
    Bağlamaq

    İranla ​"altılıq" ölkələri arasında növbəti görüşün tarixi açıqlanıb

    Katrin Rey: Aİ İranın nüvə problemi üzrə danışıqların razılaşdırılmış formatını dəstəkləyir

    Bakı. 27 fevral. REPORT.AZ/ İranın nüvə problemi ilə bağlı "altılıq" dövlətlərinin diplomatları ilə Tehran nümayəndələri arasında keçiriləcək görüşün vaxtı təyin edilib.

    "Report" "RİA Novosti"yə istinadən xəbər verir ki, bu haqda Avropa İttifaqının (Aİ) xarici siyasət və təhlükəsizlik məsələləri üzrə komissarı Federika Mogerininin rəsmi nümayədəsi Katrin Rey bildirib.

    Onun sözlərinə görə, görüş martın 5-də İsveçrənin Montrö şəhərində keçiriləcək.

    "Aİ İranın nüvə problemi üzrə danışıqların razılaşdırılmış formatını dəstəkləyir. Diplomatlar səviyyəsində danışıqlar ötən həftə gerçəkləşib və qarşıdan gələn həftə də davam etdiriləcək", - K.Rey vurğulayıb.

    Xatırladaq ki, bir müddət öncə ABŞ dövlət katibi Con Kerri ilə İranın xarici işlər naziri Məhəmməd Cavad Zərifin martın 3-də Montrödə görüşəcəyi haqda xəbər yayılmışdı.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi