Yuxarı
    Bağlamaq

    ​Almaniya XİN-in təmsilçisi: "Əsədin İŞİD-dən neft aldığını bilirik"

    Hökumət sözçüsü: İŞİD-in maliyyə mənbələrinin məhv edilməsinin vacibliyinə inanırıq

    Bakı. 2 dekabr. REPORT.AZ/ "Suriyadakı rejimin terrorçu İŞİD qruplaşmasının satdığı neftin böyük bir hissəsini aldığına dair məlumatımız var".

    "Report" Türkiyə KİV-inə istinadən xəbər verir ki, bunu Almaniya Xarici İşlər Nazirliyi sözçüsünün müavini Sausan Çebli Berlində həftəlik mətbuat toplantısında bildirib.

    Onun sözlərinə görə, Bəşşar Əsəd İŞİD-in satdığı neftin böyük bir hissəsini alır və bununla bağlı Almaniyada məlumatlar var: "Bu məsələyə dair dəlil və məlumatlarımız da mövcuddur".

    Almaniya hökumətinin sözçüsü Steffen Sebert də adı çəkilən terrorçu qruplaşmanın neft satışı ilə özünü maliyyələşdirdiyindən xəbərdar olduqlarını söyləyib. O, Türkiyənin İŞİD-dən neft aldığı və ya rəsmi Ankaranın bu məsələyə fəal dəstək verməsinə dair iddialarla bağlı məlumata malik olmadıqlarını da qeyd edib: "Dəlil-sübut olmadan belə iddiaların irəli sürülməsinin məsələnin həllinə yardım edəcəyini də düşünmürük".

    O, İŞİD-ə qarşı mübarizənin gücləndirilməsinə və onun maliyyə mənbələrinin məhv edilməsinin vacibliyinə inandıqlarını söyləyib. Hökumət sözçüsü bildirib ki, bu məsələ noyabrın 15-də Türkiyənin Antalya şəhərində keçirilən "Böyük-20"-liyin ("G-20") zirvə toplantısında müzakirə edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi