Yuxarı
    Bağlamaq

    Almaniyanın XİN başçısı: “Türkiyə ilə münasibətlərimiz çox gərgindir”

    Ziqmar Qabriel: “Hər kəs bunun üçün bütün imkanlardan istifadə etməlidir”© awdnews.com

    Bakı. 6 mart. REPORT.AZ/ “Münasibətlərimiz çox gərgindir və normallaşdırılması vacibdir”.

    “Report” TASS-a istinadən xəbər verir ki, bunu Almaniyanın xarici işlər naziri Ziqmar Qabriel Avropa İttifaqına üzv dövlətlərin xarici işlər nazirlərinin Brüsseldə keçirilən toplantısından əvvəl rəsmi Berlinlə Ankara arasındakı münasibətlərdən danışarkən deyib.

    “Hazırda əsas işimiz iki dövlət arasında münasibətləri normallaşdırmaqdır. Hər kəs bunun üçün bütün imkanlardan istifadə etməlidir”, - Z.Qabriel vurğulayıb.

    Qeyd edək ki, aprelin 16-da Türkiyədə Konstitusiyaya əlavə və dəyişikliklər edilməsi üçün referendum keçiriləcək. Türkiyə rəsmiləri bu siyasi kampaniya qabağı xarici ölkələrdə yaşayan Türkiyə vətəndaşları ilə görüşmək, təbliğatda iştirak etmək istəyirlər. Almaniya tərəfi isə buna razılıq vermir. Türkiyə Prezidenti Rəcəb Tayyib Ərdoğan Almaniyanın Qaaenau şəhər rəhbərliyinin bu hərəkətinin faşistlərin siyasətinə oxşadığını bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi