Yuxarı
    Bağlamaq

    Almaniya polisi TBMM sədrinin müavinini qaçaqmalçılıqda günahlandıraraq saxlayıb

    Ayşenur Bahçekapılı: Diplomatik pasportumun olduğunu söyləsəm də, bizi maraqlandırmır dedilər

    Bakı. 7 dekabr. REPORT.AZ/ Türkiyə Böyük Millət Məclisi (TBMM) sədrinin müavini Ayşenur Bahçekapılı Almaniya polisi tərəfindən "qaçaqmalçılıq"da şübhəli bilinərək saatlarla saxlanılıb.

    “Report” "Haber7"yə istinadən xəbər verir ki, onun çantası Almaniyanın Köln şəhərində qaldığı mehmanxanda oğurlanıb. Çantada pul, kredit kartı, pasport da olub. 

    Türkiyəli vitse-spiker polisə gedərək hadisə ilə bağlı şikayət edib: “Konsulluğumuza getdim, müvəqqəti pasport aldım. Hava limanına gəldikdə, sözün əsl mənasında qalmaqalla üzləşdim. Polis məni saxladı. Müvəqqəti pasportu qəbul etmədilər. Bizi orada 45 dəqiqə saxladılar. Diplomatik pasportumun olduğunu söylədim. Konsulluğumuzla əlaqə saxlmalarını istədim. Nə dedimsə, “bizi maraqlandırmır” söylədilər. Sadəcə dinlədilər. Millət vəkili və sədr müavini olduğumu dedim. Ancaq dinləməklə kifayətləndilər. Uzun müddət məni orada saxladılar. Nəhayət, uzun araşdırmadan sonra bizi pasport yoxlanılan yerə gətirdilər”.

    Məlumatda bildirilib ki, mütəxəssislər Türkiyədə axtarışda olan terrorçulara vətəndaşlıq verən Almaniya hökumətinin TBMM sədrinin müavini ilə qorxduğundan belə davrandığını söyləyiblər: "Almaniya bu davranışı ilə bəzi məsələlərdə geri addım atması üçün Türkiyəyə təzyiq göstərir.”

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi