Yuxarı
    Bağlamaq

    Aleksandr Lukaşenko Rusiyanın yüksək vəzifəli məmuruna cinayət işinin açılması haqqında göstəriş verib

    Belarus prezidenti: “Dankvertlərin hamısı mülkədardır”

    Bakı. 3 fevral. REPORT.AZ/ Belarus Prezidenti Aleksandr Lukaşenko ölkənin Daxili İşlər Nazriliyinə Rusiya Kənd Təsərrüfatı Məhsullarına Nəzarət Federal Xidmətnin başçısı Sergey Dankvertə qarşı cinayət işinin başlanması haqqında tapşırıq verib. 

    “Report” TASS-a istinadən bildirir ki, bunu dövlət başçısı Belarus istehsalı olan ərzaq məhsullarının Rusiyaya buraxılmaması məsələsinə münasibət bildirərkən açıqlayıb. 

    “Ərzaq məhsulları məsələsinə gəldikdə, biz bu məsələni araşdırmalıyıq. Dövlətə dəyən ziyana görə Dankvertə qarşı cinayət işi açmaq lazımdır. Bir məsələni də deyim. Dankvertlərin hamısı mülkədardır. Onlar öz mallarının və ya istehsal etdikləri məhsullarının satılmasında maraqlı olduqları üçün belə edirlər”, -deyə A.Lukaşenko vurğulayıb. 

    Qeyd edək ki, Rusiya Kənd təsərrüfatı məhsullarına nəzarət xidməti Belarusda istehsal edilən bəzi malların Federasiya ərazisinə buraxılmasını qadağan edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi