Yuxarı

AKP-nin sabiq deputatı saxlanılıb

O, FETÖ ilə bağlı Qara Dəniz Texniki Universitetində keçirilən əməliyyat çərçivəsində həbs edilib

Bakı. 5 avqust. REPORT.AZ/ Türkiyənin hakim Ədalət və İnkişaf Partiyasının sabiq deputatı, professor Aydın Bıyıklıoğlu saxlanılıb. 

"Report" "Habertürk"ə istinadən xəbər verir ki, o, Fətullahçı terror təşkilatının (FETÖ) dövlət çevrişi cəhdindən sonra aparılan istintaq tədbirləri çərçivəsində Qara Dəniz Texniki Universitetində keçirilən əməliyyat çərçivəsində Ankara şəhərində həbs edilib. 

A.Bıyıklıoğlu bu gün səhər saatlarında Trabzon şəhərinə gətirilib və hazırda Trabzon Şəhər Polis İdarəsinin terrorizmlə mübarizə şöbəsində dindirilir. 

Qeyd edək ki, A.Bıyıklıoğlu Türkiyə Böyük Millət Məclisinin (TBMM) 24-cü çağırışında AKP-nin Trabzon şəhərindən millət vəkili olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi