AKP-nin deputatlığa namizədlərinin siyahısında üç idmançı yer alıb

Bakı. 21 may. REPORT.AZ/ Türkiyənin hakim Ədalət və İnkişaf Partiyasının (AKP) iyunun 24-də ölkədə keçirilməsi planlaşdırılan növbədənkənar prezident və parlament seçkiləri ilə bağlı irəli sürdüyü deputatlığa namizədlərinin siyahısında üç idmançı da yer alıb. 

"Report" "Haberturk"ə istinadən xəbər verir ki, bunlar motosikletçi Kenan Sofuoğlu, Türkiyənin U21 yığma komandasının baş məşqçisi Alpay Özalan və keçmiş güləşçi Selçuk Çebidir. 

Onlar, müvafiq olaraq, Sakarya, İzmir və Trabzon şəhərlərindən deputatlığa namizəd irəli sürülüblər.