Bakı. 12 iyul. REPORT.AZ/ Avropa İttifaqının genişlənmə məsələləri və qonşuluq siyasəti üzrə komissarı Yohannes Han Gürcüstana səfər edəcək.
"Report" "Novosti-Qruziya"ya istinadən xəbər verir ki, səfər iyulun 14-də baş tutacaq.
Səfər çərçivəsində Aİ komissarı Batumidə keçiriləcək 13-cü illik "Gürcüstanın Avropa yolu - sabitlik, inkişaf və müxtəliflik" beynəlxalq konfransında iştirak edəcək.
Eyni zamanda onun Gürcüstan prezidenti Georgi Marqvelaşvili və hökumət nümayəndələri ilə görüşü planlaşdırılır.