Yuxarı
    Bağlamaq

    ABŞ Türkiyəyə satmaqdan imtina etdiyi silah və hərbi avadanlığı PKK-nın Suriyadakı qollarına verib - VİDEO - FOTO

    ABŞ onlara 100 TIR silah-sursat göndərib© Haber7.com

    Bakı. 24 may. REPORT.AZ/ ABŞ mayın 15-dən 20-dək terrorçu PKK qruplaşmasının Suriyadakı qolu “PYD”yə 100 TIR ağır silah göndərib.

    “Report” “Haber7”yə istinadən xəbər verir ki, silah-sursat İraq-Suriya sərhədindən keçirilərək, Suriyanın Hasek şəhərində terrorçu PYD-yə təhvil verilib.

    “PYD” və “YPG”-yə verilən silah və texnika arasında 80 və 120 mm-lik minaatan, “MK19” bombaatan, “M4” “Gabrine” və “M16” tipli avtomat silahlar, “Humwee” hərbi avtomobili, “Cougar” tipli Piyadaların Zirehli Maşınlar da var.

    İnformasiyaya əsasən, ABŞ rəsmiləri həmin silahların terrorçu İŞİD qruplaşmasının nəzarətində olan Suriyanın Rakka şəhərinin azad edilməsində istifadə ediləcəyini bildirib. Rəsmi Vaşinqton iddia edir ki, terrorçu PKK-nın Suriyadakı qolları “YPG” və “PYD”dən taktiki olaraq, İŞİD-ə qarşı mübarizədə istifadə edəcək və sonradan silahları onlardan geri alacaq.

    Məlumata görə, ABŞ PKK-nın qollarına verdiyi silahlardan Türkiyə Silahlı Qüvvələrində yoxdur. Bundan başqa çoxsaylı təkliflərinə baxmayaraq, ABŞ-ın Türkiyəyə satmadığı tankəleyhinə “FGM148 Javelin” raket qurğusu da terrorçulara verilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi