Yuxarı

​ABŞ Rusiya Federasiya Şurasının spikerinə viza verməkdən imtina edib

Matvienko Birləşmiş Ştatların sanksiya siyahısına daxil edilib

Bakı. 25 Avqust. REPORT.AZ/ Birləşmiş Ştatlar Rusiya Federasiya Şurasının sədri Valentina Matvienkoya viza verməkdən imtina edib.

"Report" xəbər verir ki, bu barədə öz Twitter səhifəsində jurnalist Dmitri Smirnov yazıb.

"ABŞ Valentina Matvienkoya viza verməkdən imtina edib. Federasiya Şurasının spikeri Nyu-Yorkda parlamentlərarası ittifaqda çıxış etməli idi", - deyə o bildirib.

Məlum olduğu kimi, Matvienko ABŞ-ın 2014-cü ilin martında Ukraynanın ərazi bütövlüyünün pozulmasında iştirakçı bildiyi şəxslərə qarşı qəbul etdiyi sanksiya siyahısına daxil edilib.

Spiker, həmçinin Avropa İttifaqının sanksiyaları altındadır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi