Yuxarı
    Bağlamaq

    ABŞ prezidenti Səudiyyə Ərəbistanının kralı ilə görüşəcək

    Təkbətək görüş Yaxın Şərqdə vəziyyətin gərgin olduğu bir zamana təsadüf edir

    Bakı. 3 sentyabr. REPORT.AZ/ İraq, Yəmən və Suriyada davam edən münaqişələr və İranın regional siyasəti ilə bağlı narahatlıqlar fonunda ABŞ prezidenti Barak Obama Səudiyyə Ərəbistanının kralı Salmanı sentyabrın 4-də Ağ Evdə qəbul edəcək. "Report" xəbər verir ki, bu, Kral Abdullanın ölümündən sonra taxta çıxan ərəb liderinin Birləşmiş Ştatlara ilk səfəri olacaq.

    Prezident Barak Obama və Səudiyyə Ərəbistanı kralı Salman arasında təkbətək görüş Yaxın Şərqdə vəziyyətin gərgin olduğu bir zamana təsadüf edir.

    ABŞ-ın başçılıq etdiyi koalisiya İraq və Suriyada İŞİD qruplaşmasının yaraqlılarına qarşı mübarizə aparır, Səudiyyə Ərəbistanının başçılıq etdiyi koalisiya isə Yəməndə İranın dəstəklədiyi Huti qiyamçılarına müqavimət göstərir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi