Yuxarı

ABŞ prezidenti İran hakimiyyətinə məxfi məktub göndərib

Mehrdad Bazrpaş bildirib ki, məktubu ölkə rəhbərliyinə İranın qonşusu olan dövlətin nümayəndəsi çatdırıb

Bakı. 29 iyun. REPORT.AZ/ ABŞ prezidenti Barak Obama İran hakimiyyətinə məxfi məktub göndərib.

"Report" xəbər verir ki, bu haqda Tehranda çıxan "Həmşəhri" qəzeti məlumat yayıb.

İran parlamenti Rəyasət Heyətinin üzvü Mehrdad Bazrpaş faktı təsdiqləyib. O bildirib ki, məktubu ölkə rəhbərliyinə İranın qonşusu olan dövlətin nümayəndəsi çatdırıb. Onun sözlərinə görə, məktub İranın nüvə probleminə həsr edilib.

Qəzet ehtimal edir ki, məktubu İran hakimiyyətinə İraqın baş naziri Heydər əl-İbadi çatdırıb.

Məsələ ilə bağlı başqa məlumat əldə etmək mümkün olmayıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi