ABŞ-ın vitse-prezidenti: “Rusiya, İran və terror dünya üçün başlıca təhlükə mənbəyidir”

Bakı. 6 iyun. REPORT.AZ/ ABŞ-ın vitse-prezidenti Mayk Pens Rusiya, İran və terroru dünya üçün başlıca təhlükə mənbəyi adlandırıb.

“Report” “RİA Novosti”yə istinadən xəbər verir ki, o, bunu Atlantik Şurasının iclasındakı çıxışında bildirib.

M.Pens deyib ki, ABŞ NATO-dakı müttəfiqlərinə həmin təhlükəyə qarşı mübarizədə yardım etməyə hazırdır.

“Kommunizmin 25 ildir çökməsinə baxmayaraq, bu gün dünya daha təhlükəli olub. Bura Rusiyanın beynəlxalq sərhədləri güc yolu ilə bağlamaq cəhdi, İranın Yaxın Şərqdə sabitliyi pozmaq cəhdi, qlobal terror təhlükəsi kimi məsələlər daxildir. Bunların hamısı dünyanın istənilən yerində, istənilən zaman zərbə vura bilər”, - deyə vitse-prezident vurğulayıb.