Yuxarı

​ABŞ-ın İstanbuldakı konsulluğu təhlükə səbəbindən işini dayandırır

Dekabrın 9-na planlaşdırılan xidmətlər daha gec müddətə təyin olunacaq

Bakı. 09 dekabr. REPORT.AZ/ Birləşmiş Ştatların İstanbuldakı konsulluğu təhlükəsizlik üçün yaranan təhlükə ilə əlaqədar dekabrın 9-da öz işini dayandıracaq.

"Report" xəbər verir ki, bu barədə idarənin saytında bildirilir.

"ABŞ-ın İstanbuldakı Baş Konsulluğunun təhlükəsizliyi üçün təhlükənin yaranması ilə əlaqədar məlumat səbəbindən, səfirlik 2015-ci il 9 dekabr tarixində məhdud rejimdə fəaliyyət göstərəcək", — deyə elanda qeyd olunur.

Bildirilir ki, bu günə planlaşdırılan xidmətlərin göstərilməsi daha gec müddətə təyin olunacaq. Konsulluq Birləşmiş Ştatlar vətəndaşlarını son dərəcə ayıq-sayıq olmaq, yerli hadisələri izləmək və öz təhlükəsizliklərini gücləndirmək üçün müvafiq tədbirlər görməyə çağırıb.

Təhlükənin mahiyyəti dəqiqləşdirilir.

Məlumata görə, Ankaradakı səfirlik, Adanadakı konsulluq və İzmirdəki konsulluq nümayəndəliyi adi rejimdə işləyəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi