ABŞ-ın dövlət katibi: "Türkiyəyə qarşı sanksiyaların ləğvi ilə bağlı qərar tezliklə veriləcək"

Bakı. 17 oktyabr. REPORT.AZ/ "ABŞ Türkiyəyə qarşı tətbiq etdiyi sanksiyaların ləğv edilib-edilməməsi ilə bağlı yaxın vaxtlarda qərar verəcək".

“Report” TASS-a istinadən xəbər verir ki, bunu ABŞ-ın dövlət katibi Maykl Pompeo Türkiyəyə səfəri zamanı bildirib.

Qeyd edək ki, ABŞ hökuməti casusluqda ittiham olunan amerikalı keşiş Endryu Bransonun həbsinə görə Türkiyəyə qarşı sanksiya tətbiq edib. ABŞ vətəndaşı olan keşiş isə bu günlərdə azadlığa buraxılıb.