Bakı. 16 fevral. REPORT.AZ/ ABŞ-ın Baş Qərargahlar rəisi general Cozef Danford fevralın 17-də Bakıdan Türkiyəyə səfər edəcək.
“Report” "Haber7"yə istinadən xəbər verir ki, bunu Türkiyənin müdafiə naziri Fikri İşık bildirib.
“ABŞ-ın Baş Qərargahlar rəisi sabah Türkiyədə olacaq. ABŞ-a YPG (terrorçu PKK qruplaşmasının Suriyadakı qolu - “Report”) ilə bağlı etirazımızı bildirəcəyik. PKK-ya qarşı mübarizədə ABŞ daha çox dəstək verəcək” - nazir vurğulayıb.
O, ABŞ-la Suriyada təhlükəsiz bölgənin yaradılması məsələsinin detallarının hələ də həll olunmadığını bildirib.