ABŞ İranın mülki aviaşirkətlərinə sanksiya tətbiq edib

Bakı. 25 may. REPORT.AZ/ ABŞ İranın bir neçə aviaşirkətinə qarşı sanksiya tətbiq edib.

“Report” xəbər verir ki, məlumatı “France Press” agentliyi yayıb.

Həmin mülki aviaşirkətlər İran İslam İnqilabı Keşikçiləri Korpusu (SEPAH) ilə əlaqədə olduqları üçün sanksiyaya məruz qalıb.

Məlumata görə, ABŞ-ın Maliyyə Nazirliyinin "qara siyahı"sında İranın “Mahan Air”, “Caspian Air”, “Meraj Air” və “Pouya Air” hava yollarının adları var. 

Eyni zamanda İran və Türkiyənin 9 fiziki və hüquqi şəxsi bu şirkətlərin təyyarələrinə ehtiyat hissələri əldə etməyə yardım göstərdikləri üçün sanksiyaya məruz qalıb.