Bakı. 23 yanvar. REPORT.AZ/ ABŞ-ın şərqində güclü qar nəticəsində ölənlərin sayı 9 nəfərə çatıb.
"Report" xəbər verir ki, insanlar pis hava şəraiti və yolların buz bağlaması səbəbindən baş verən yol qəzalarında ölüblər.
Əvvəl silsilə yol-nəqliyyat hadisələri nəticəsində ölənlərin 5 nəfər olduğu bildirilmişdi.
Birləşmiş Ştatların 9 ştatının qubernatoru fövqəladə vəziyyətin tətbiq edildiyini elan edib. Pis hava səbəbindən ABŞ federal hökuməti işini cümə günü günorta yekunlaşdırıb.
Bundan əlavə, çovğun səbəbindən 6 mindən çox aviareys təxirə salınıb.