ABŞ-a aid pilotsuz uçan aparat Türkiyə ərazisinə düşüb

Bakı. 26 avqust. REPORT.AZ/ ABŞ-a məxsus Pilotsuz Uçan Aparat (PUA) Türkiyənin Qaziantep əyalətinin Şehitkamil rayonunun Karacamaat məhəlləsində boş əraziyə düşüb.

"Report" "Haber7"yə istinadən xəbər verir ki, PUA düşən ərazi hərbçilər tərəfindən mühasirəyə alınıb.

Mütəxəssislər bunun "RQ-7 Shadow" tipli kəşfiyyat PUA-sı olduğunu bildiriblər.

Hadisə ilə bağlı araşdırma aparılır.