Zelenski: "Ukrayna bir də heç vaxt diplomatik bataqlığa girməyəcək"

“Biz dondurulmuş münaqişəyə getməyəcəyik. Mən prezident olanda “Minsk-1”, “Minsk-2” razılaşmaları, müvafiq sənədlər olub. Deməli, söyləyə bilərəm ki, onlar qeyri-ciddi sənədlər idi”.

“Report” xəbər verir ki, bu fikirləri Ukrayna Prezidenti Volodimir Zelenski mayın 4-də “Wall Street Journal CEO Council Summit”in sessiyasının aparıcıları ilə söhbəti zamanı deyib.

Onun sözlərinə görə, razılaşmalar kağızda idi, bu, dondurulmuş münaqişə idi.

Dövlət başçısı buna qarşı olduğunu, belə cür sənədin olmayacağını bildirib: “Ukrayna bir də heç vaxt bu diplomatik bataqlığa girməyəcək”.