​Xameneinin müşaviri: "Rusiya ilə əməkdaşlığı Yəməndə də davam etdirəcəyik"

Bakı. 22 fevral. REPORT.AZ/ "İranla Rusiya arasında əvvəlkindən də yaxın əməkdaşlıq var. Bu əməkdaşlığı Suriya ilə məhdudlaşdırmayıb, İraq, Livan və Yəməndə də davam etdirəcəyik".

"Report" "al-Arabia"ya istinadən xəbər verir ki, bunu İranın ali rəhbəri ayətullah Seyid Əli Xameneinin baş müşaviri Ələkbər Vilayəti bildirib.

O, Moskva və Tehran əməkdaşlıqlarını davam etdirməklə yanaşı, Rusiyanın dəstəyi ilə Yəmənə müdaxilə edəcəklərini də dolayı yolla nəzərə çatdırıb.

Müşavir Suriyada Bəşşar Əsəd rejiminin devirilməməsi üçün Rusiyanın bombardmanlarını dəstəklədiklərini söyləyib.