Ukraynanın Silahlı Qüvvələrinin ən yaxşı pilotlarından biri döyüşlərdə həlak olub

Ukrayna Prezidenti Volodimir Zelenskinin bir neçə gün əvvəl təltif etdiyi pilot, kapitan Anton Listopad həlak olub.

“Report” UNIAN-a istinadən xəbər verir ki, o, şiddətli döyüşlər zamanı həyatını itirib.

Qeyd edək ki, kapitan Anton Listopad müharibənin ilk günündən etibarən döyüşlərdə iştirak edib.

O, V.Zelenskinin sərəncamı ilə bir neçə gün öncə 3-cü dərəcəli qəhrəmanlıq ordeni ilə təltif edilib.

A.Listopad 2019-cu ildə Ukrayna Hərbi Hava Qüvvələrinin ən yaxşı pilotu seçilib.