Ukrayna Prezident Ofisinin rəhbəri və Baydenin köməkçisi Donbası müzakirə ediblər

Ukrayna Prezident Ofisinin rəhbəri Andrey Yermak ilə ABŞ Prezidentinin milli təhlükəsizlik üzrə köməkçisi Ceyk Sallivan arasında telefon danışığı olub.

“Report” xəbər verir ki, bu barədə A.Yermak tviter hesabında yazıb.

“Biz Ukrayna ətrafındakı hazırkı vəziyyəti və gələcək addımları müzakirə etdik. Mən Ukrayna ilə ABŞ arasındakı daimi və effektiv əlaqələri yüksək qiymətləndirirəm”, - o qeyd edib.