Ukrayna HHQ: "Rusiya İrandan PUA tədarükünü artırıb"

Rusiya İrandan pilotsuz uçuş aparatlarının (PUA) tədarükünü artırıb.

“Report” UNIAN-a istinadən xəbər verir ki, bu barədə Ukrayna Hərbi Hava Qüvvələri komandanlığının sözçüsü Yuri İqnat deyib.

Onun sözlərinə görə, ruslar Ukraynaya hücum zamanı rekord sayda “Shahed” PUA-sından istifadə etməyə başlayıblar: “Qarşı tərəf PUA-larla hücumu gündəlik rejimdə həyata keçirmək istəyir. Hazırda Rusiya İrandan kifayət qədər PUA alır”.