Ukrayna Baş Qərargahı Rusiyanın hərbi itkilərinin sayını açıqlayıb

"Ukraynada hərbi əməliyyatlar başlayandan bəri Rusiya Silahlı Qüvvələrinin 36 650 hərbçisi məhv edilib”.

“Report” xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Qeyd olunub ki, Rusiya Silahlı Qüvvələrinin digər döyüş itkiləri 1602 tank, 3797 zirehli maşın, 815 artilleriya sistemi, 247 reaktiv yaylım atəşi sistemi, 107 hava hücumundan müdafiə sistemi, 217 təyyarə, 187 helikopter, 667 operativ-taktiki PUA, 155 qanadlı raket, 15 gəmi/qayıq, 2665 avtomobil və avtoçən, 66 xüsusi texnikadan ibarətdir.

Bildirilib ki, Rusiya ordusu daha çox Slavyansk istiqamətində itkilər verib.

Xatırladaq ki, Rusiya 2022-ci il fevralın 24-də Ukrayna ərazisinə hərbi müdaxilə edib.