Bakı. 5 noyabr. REPORT.AZ/ Türkiyənin Şırnak əyalətinin Gündoğdu məhəlləsində törədilən partlayış nəticəsində 2 uşaq ölüb, 4-ü yaralanıb.
“Report” Haberturk-ə istinadən xəbər verir ki, hadisə terrorçuların əvvəlcədən yola döşədikəri partlayıcının partlaması nəticəsində olub.
Şırnak valisi hadisə ilə bağlı yazılı açıqlama yayıb: “Əyalətmizin mərkəzində terror qruplaşması təmsilçilərinin əvvəlcədən yola döşədikləri partlayıcının partlaması nəticəsində 6 uşaq yaralanmışdı. Onlar Şırnak dövlət xəstəxanasına aparılıb. Ancaq görülən bütün tədbirlərə baxmayaraq, iki uşağın həyatını qurtarmaq mümkün olmayıb”.
Hadisə ilə bağlı araşdırma aparılır.