Türkiyənin ilk qadın naziri vəfat edib

Bakı. 7 sentyabr. REPORT.AZ/ Türkiyənin ilk qadın naziri Türkan Akyol vəfat edib.

“Report” Türkiyə KİV-inə istinadən xəbər verir ki, T.Akyol 89 yaşında müalicə aldığı xəstəxanada dünyasını dəyişib.

Qeyd edək ki, o, 1928-ci ildə İstanbulda doğulub. Türkan Akyol 1971-ci il martın 26-dan həmin il dekabrın 13-dək səhiyyə naziri olub, 1980-ci il mayın 31-dən 1982-ci il iyulun 31-dək Ankara Universitetinin rektoru vəzifəsində işləyib.