Türkiyədən qaçan şübhəlilər 3 aydan sonra vətəndaşlıqdan çıxarılacaqlar

Bakı. 1 iyun. REPORT.AZ/ Türkiyənin Ədliyyə Nazirliyi müxtəlif cinayətlərdə şübhəli bilinən və xarici dövlətlərdə gizlənən şəxslərin ölkəyə qayıtmaları ilə bağlı çağırış ediləcək.

“Report” "Haber7"yə istinadən xəbər verir ki, nazirlik bu çağırışı 2017-ci il yanvarın 6-da qəbul edilən Qanun Hökmündə Qərar çərçivəsində edəcək və çağırışdan 3 ay ötəndən sonra həmin şübhəlilər Türkiyəyə dönməsələr vətəndaşlıqdan çıxarılacaqlar.

Bu, Türkiyə Cinayət Məcəlləsinin dövlətin birliyini və ölkənin bütövlüyünü pozmaq, konstitusiyanı pozmaq, prezidentə qarşı sui-qəsd və əməli hücum etmək, qanunverici orqana qarşı cinayət törətmək, hökumətə qarşı cinayət törətmək, Türkiyə Respublikası hökumətinə qarşı silahlı qiyam, silahlı qruplaşmada iştirak etmək və qanunsuz silah saxlamaq maddələri ilə ittiham olunanlara şamil ediləcək.