Bakı. 27 sentyabr. REPORT.AZ/ Türkiyənin Hakkari əyalətinin Şəmdinli rayonunda polislərlə terrorçu PKK qruplaşmasının silahlıları arasında baş verən atışma nəticəsində 5 terroçu məhv edilib.
“Report” "Haber7"yə istinadən xəbər verir ki, atışma Şəmdinli rayonunun Serabatin bölgəsində baş verib.
“Atışma nəticəsində bir kişi, 4-ü qadın olmaqla 5 terrorçu zərərsizləşdirilib. Onlara məxsus “RPG-11” raketi, 6 ədəd “Kalaşnikov” avtomatı götürülüb”, - Şəmdinli valiliyindən bildirilib.
Hadisə ilə bağlı araşdırma aparılır.
Qeyd edək ki, sentyabrın 26-da həmin bölgədə iki terrorçu zərərsizləşdirilmişdi.