Bakı. 8 yanvar. REPORT.AZ/ Türkiyənin Afyonkarahisar bölgəsində silah-sursat anbarının partlamasında təqsirli bilinən 3 zabit barəsində hökm oxunub.
“Report” "Anadolu" agentliyinə istinadən xəbər verir ki, təqaüddə olan polkovnik Veysel Özbay və mayor Ali Duran hər biri 13 il 4 ay, keçmiş leytenant Tuncay Aldın 6 il 8 ay müddətinə azadlıqdan məhrum edilib.
Qeyd edək ki, 2012-ci il iyulun 5-də törədilən partlayış nəticəsində 25 hərbçi şəhid olmuşdu.