Türkiyədə qanunsuz mühacirləri daşıyan avtomobil qəzaya düşüb: 10 nəfər ölüb, 30 nəfər yaralanıb

Türkiyənin Ədirnə bölgəsində qanunsuz mühacirləri daşıyan avtomobilin qəza törətməsi nəticəsində azı 10 nəfər ölüb və 30 nəfər yaralanıb.

“Report” xəbər verir ki, məlumatı “Hurriyet” yayıb.

Bildirilib ki, ilkin məlumata əsasən, sürücünün idarəetməni itirməsi nəticəsində avtomobil divara çarpılıb. Ədirnə valisi Əkrəm Canalp qəza yerinə gedib.

Hadisənin səbəbləri araşdırılır.