Türkiyədə polisə atəş açan PKK terrorçuları zərərsizləşdirilib

Bakı. 29 iyul. REPORT.AZ/ Türkiyədə PKK terrorçuları polis qüvvələrinə atəş açıb.

"Report" xəbər verir ki, bu barədə "Anadolu" agentliyi məlumat yayıb.

Məlumata görə, hadisə Şırnak vilayətində baş verib. Atəşdən sonra terrorçuların yaxalanması üçün xüsusi əməliyyat keçirilib. Terrorçular əraziyə havadan dəstək verən hərbi qüvvələr tərəfindən zərərsizləşdirilib.

Bölgədəki digər terrorçuların zərərsizləşdirilməsi üçün hərbi əməliyyat davam edir.