Türkiyədə PKK terrorçularının törətdiyi partlayış nəticəsində 4 əsgər yaralanıb

Bakı. 7 iyun. REPORT.AZ/ Türkiyədə 4 əsgər yaralanıb.

"Report" xəbər verir ki, bu barədə "Anadolu" agentliyi məlumat yayıb.

Məlumatda bildirilir ki, hadisə Hakkari vilayətində baş verib. PKK terrorçularının yola qoyduğu əldəqayırma partlayıcı hərbçilərin ərazidən keçdiyi vaxt partladılıb. Nəticədə 4 hərbçi yaralanıb.

Hadisə ilə bağlı araşdırma aparılır.