Türkiyədə koronavirusla bağlı son vəziyyət açıqlandı

Türkiyədə son gündə koronavirusdan daha 16 nəfər ölüb.

“Report” xəbər verir ki, bu barədə Səhiyyə naziri Fahrettin Koca bildirib.

Nazirin sözlərinə görə, bununla da koronavirusdan vəfat edənlərin sayı 5 491 nəfərə çatıb.

Fahrettin Koca qeyd edib ki, bu gün COVID-19-a 924 yoluxma qeydə alınıb. Beləliklə, Türkiyədə koronavirus daşıyıcılarının ümumi sayı 219 641 nəfərə yüksəlib.

Nazirin sözlərinə görə, bu gün 997 pasiyent sağalıb. Bununla da Türkiyədə koronavirusdan sağalanların sayı 202 010-a çatıb.