Türkiyədə İŞİD-ə qoşulmağa hazırlaşan 82 xarici vətəndaş saxlanılıb

Bakı. 10 noyabr. REPORT.AZ/ İstanbulda keçirilən antiterror əməliyyatı nəticəsində terrorçu İŞİD qruplaşmasına qoşulmaq istəyən 82 nəfər saxlanılıb.

“Report” "Haber7"yə istinadən xəbər verir ki, tutulanların hamısı xarici ölkə vətəndaşlarıdır.

Onlar Türkiyə ərazisindən Suriyaya keçərək terrorçu İŞİD qruplaşmasının sıralarına qoşulmağa hazırlaşırmışlar.

Antiterror əməliyyat İstanbulun Bağcılar, Beykoz, Fatih, Küçükçekmece, Pendik, Sancaktepe və Şişli rayonlarında 14 ünvanda keçirilib.