Türkiyədə hərbçiləri daşıyan avtobus aşıb, 47 nəfər yaralanıb - FOTO - VİDEO

Bakı. 9 iyun. REPORT.AZ/ Türkiyənin Samsun şəhərində hərbçiləri daşıyan avtobusun aşması nəticəsində 47 nəfər yaralanıb.

“Report” Türkiyə KİV-inə istinadən xəbər verir ki, qəza Ankara-Samsun avtomobil yolunun Kavak rayonu hissəsində yolun kənarındakı baryerlərə çarpılaraq çevrilib.

Hərbçiləri Tokatdan Samsunun Çarşanba Hava Limanına aparırmışlar.

Yaralı hərbçilər xəstəxanaya yerləşdirilib.