Türkiyədə dünyada cəmi 42 ədəd olan sikkələri satmaq istəyənlər yaxalandı

Türkiyədə antik dövrə aid nadir sikkələri satmaq istəyən şəxslər saxlanılıb.

Bu barədə “Report” “Habertürk”ə istinadən xəbər verir.

Məlumata görə, bununla bağlı əməliyyat Muğla vilayətində keçirilib. Ortaca rayonunda jandarm əməkdaşları eramızdan əvvəl V yüzilliyə aid olan qədim Afina sikkələrinin satışı ilə bağlı məlumat əldə edib. Bununla bağlı keçirilən "Tarixi əsər" əməliyyatında 6 nəfər şübhəli şəxs qismində saxlanılıb.

Qeyd edilir ki, bu sikkələrdən dünyada cəmi 42 ədəd qalıb. Onların çəkisi 42 qramdır.