Türkiyədə avtobus qəzaya uğrayıb, 5 nəfər ölüb, 35 nəfər yaralanıb

Bakı. 7 mart. REPORT.AZ/ Türkiyədə avtobusun aşması nəticəsində 5 nəfər ölüb, 35 nəfər yaralanıb.

“Report” “KanalAhaber”ə istinadən xəbər verir ki, hadisə Bursa-Ankara avtomobil yolunda, İnegöl rayonu ərazisindəki Mezitler I körpüsü yaxınlığında baş verib.  

Avtobus rayonun Osmaniye kəndi yaxınlığında qəzaya uğrayıb. 

İnformasiyaya əsasən, avtobusdakılar Türkiyə Metallurgiya Həmkarlar Təşkilatının üzvləri olub.

Hadisə yerində təcili tibbi yardım heyəti və xilasedicilər cəlb edilib.