Türkiyədə avtobus qəzaya uğrayıb, 13 nəfər ölüb, 42 nəfər yaralanıb

Bakı. 20 yanvar. REPORT.AZ/ Türkiyənin Eskişehir şəhərində avtobusun qəzaya uğraması nəticəsində 13 nəfər ölüb, 42 nəfər yaralanıb.

“Report” "Anadolu" agentliyinə istinadən xəbər verir ki, avtobus Ankaradan Bursa istiqamətində hərəkət edirmiş.

Hadisə yanvarın 20-də səhər saatlarında baş verib. 

Qəzanın başvermə səbəbi haqqında məlumat yayılmayıb.