Türkiyədə avtobusun aşması nəticəsində 3 nəfər ölüb, 20-dən çox yaralı var - VİDEO

Bakı. 26 dekabr. REPORT.AZ/ Türkiyənin mərkəzi hissəsində paytaxt Ankaraya gedən sərnişin avtobusunun aşması nəticəsində azı 3 nəfər ölüb, daha 20 nəfər xəsarət alıb.

"Report" "Haberturk"ə istinadən xəbər verir ki, qəzaya hadisənin baş verdiyi regiona yağan güclü qar və külək səbəb olub.

Əraziyə xilasetmə xidmətinin əməkdaşları cəlb olunub. Yaralılar xəstəxanalara aparılıb.

Daha əvvəl Tehranda avtobus qəzaya uğrayıb, 8 nəfər ölüb, 28 nəfər yaralanıb.