Türkiyə Silahlı Qüvvələri son bir həftədə 67 terrorçunu zərərsizləşdirib

Bakı. 14 aprel. REPORT.AZ/ Türkiyə Silahlı Qüvvələri ötən bir həftədə Türkiyə və İraqın şimalında aparılan əməliyyatlarda zərərsizləşdirilən terrorçuların sayını açıqlayıb.

"Report" Türkiyə mətbuatına istinadən xəbər verir ki, aprelin 7-13-ü tarixində Tunceli, Diyarbəkir, Şırnak və İraqın şimalındakı əməliyyatlarda 67 terrorçu zərərsizləşdirilib.

Məlumatda qeyd edilib ki, "Zeytin budağı" hərəkatı başlayandan bu günə qədər 4157 terrorçu zərərsizləşdirilib.