Türkiyə Myanma müsəlmanları üçün Banqladeşdə qaçqın düşərgəsi salmağı planlaşdırır

Bakı. 13 oktyabr. REPORT.AZ/ Türkiyə Myanma müsəlmanları üçün Banqladeşdə qaçqın düşərgəsi salmağı planlaşdırır. 

"Report" "Anadolu"ya istinadən xəbər verir ki, bu barədə Türkiyə baş nazirinin müavini Fikri İşık məlumat verib. 

Onun sözlərinə görə, hazırda Türkiyə hökuməti bununla bağlı Banqladeş hökuməti ilə danışıqlar aparır: "Rəsmi Ankara Myanmadakı zülmdən qaçaraq Banqladeşə sığınan müsəlmanlara yardımlarını davam etdirəcək". 

Qeyd edək ki, Myanmadan Banqladeşə qaçan müsəlmanların sayı 500 min nəfəri ötüb.