Türkiyə Mərkəzi Seçki Komissiyasına (YSK) yeni sədr təyin olunub.
“Report”un Ankara bürosunun məlumatına görə, qurumun bu gün iclasında Ahmet Yener bu vəzifəyə seçilib.
22 dekabr 2011-ci ildə Ali Məhkəmənin üzvü seçilmiş Ahmet Yener gizli səsvermə ilə YSK-ya sədr olaraq seçilib. Ahmet Yener keçmiş sədr Muharrem Akkayaya təşəkkürünü bildirib.
Bundan başqa iclasda YSK-ya 15 yeni üzv, Əkrəm Özbək isə YSK-nın sədr müavini seçilib.
Qeyd edək ki, Türkiyədə may ayında prezident, parlament və yerli idarəetmə orqanlarına seçkilər keçiriləcək.
Ahmet Yener 1966-cı ildə Ankara şəhərinin Beypazarı rayonunda anadan olub, İstanbul Universitetinin Hüquq fakültəsini bitirib, üç uşaq atasıdır.