Türkiyə məhkəməsi ​MHP-nin fövqəladə qurultay keçirməsinə mane olan qərarı ləğv edib

Bakı. 13 may. REPORT.AZ/ Ankara II İcra Məhkəməsi Türkiyə parlamentində 40 deputatla təmsil olunan Milliyyətçi Hərəkat Partiyasının (MHP) mayın 15-də fövqəladə qurultay keçirməsi ilə bağlı qərar qəbul edib.

"Report" xəbər verir ki, bu haqda Türkiyə KİV-i məlumat yayıb.

Qeyd edək ki, aprelin 19-da partiyanın hazırkı sədri Dövlət Bahçeliyə müxalif olanlar mayın 15-də fövqəladə qurultayı keçirmək haqda qərar qəbul etmişdilər. Aprelin 29-da isə Ankara Sülh və Hüquq Məhkəməsi MHP-nin fövqəladə qurultay keçirməsi haqda qərarın dayandırılması haqda qərar qəbul etmişdi.