Türkiyə Həmkarlar Konfederasiyası Dünya Zəhmətkeşlər Gününü Hatayada qeyd edəcək

Bakı. 2 aprel. REPORT.AZ/ “Türk-İş (Türkiyə Fəhlələrin Həmkarları Konfederasiyası) 2019-ci il mayın 1-i Dünya Zəhmətkeşlər Gününü Türkiyənin Hatay şəhərində qeyd edəcək”.

“Report” “Haber7”yə istinadən xəbər verir ki, bunu Türkiyə Fəhlə Həmkarlar Konfederasiyasının baş katibi Ergün Atalay bildirib.

Türkiyənin Hatay bölgəsi Suriya ilə sərhəddə yerləşir.

Qeyd edək ki, konfederasiya 1952-ci ildə təsis edilib. Mərkəzi qərargahı Ankaradadır. Konfederasiyaya 35 həmkarlar təşkilatı üzvdür.