Türkiyə baş nazirinin müavini Afrin əməliyyatına görə investorları narahat olmamağa çağırıb

Bakı. 22 yanvar. REPORT.AZ/ “Sərmayəçilər rahat olsun, bu təsirli, məhdud və inşallah, qısa müddətə başa çatacaq bir əməliyyatdır”.

“Report” NTV-yə istinadən xəbər verir ki, bunu Türkiyə baş nazirinin müavini Mehmet Şimşek bildirib.

“Bu,Türkiyənin terrora qarşı mübarizəsində yeni bir səhifədir. Suriyada keçirilən antiterror əməliyyatını bu çərçivədə dəyərləndirmək lazımdır. Türkiyə mill təhlükəsizliyinə yönələn hədələri minimuma endirir. Heç bir macəraya girmirik”, - baş nazirin müavini Türkiyənin Suriyanın Afrin rayonuda keçirdiyi antiterror əməliyyatını dəyərləndirərkən deyib.