Türkiyə ABŞ-a iş adamı Rza Zərrabla bağlı iki dəfə nota verib

Bakı. 16 noyabr. REPORT.AZ/ "Türkiyə iranlı iş adamı Rza Zərrabla bağlı ABŞ-a iki dəfə nota verib".  

"Report" "Milliyet"ə istinadın xəbər verir ki, bunu Türkiyənin xarici işlər naziri Mövlud Çavuşoğlu bildirib. 

Onun sözlərinə görə, Türkiyə ilk notaya cavab verilmədiyindən ABŞ-a ikincisini təqdim edib: "Ötən gün ABŞ Ədliyyə Nazirliyindən, həm də Dövlət Departamentindən səfirliyimizə yazılı cavab gəlib. Məktubda Rza Zərrabın sağlıq durumunun yaxşı olduğu, başqa bir yerdə saxlanıldığı, heç bir problem olmadığı qeyd edilib".